Unidade de Resonancia Magnética
(Sección RMN)

Normas de Reserva
1ª Alta Grupo de Investigación: Para poder reservar tempo nos espectrómetros Mercury300 e DPX250 é necesario que o Grupo de Investigación envíe o formulario correspondente para darse de alta no noso "Sistema de Reservas".
2ª Cubrir Formulario: No formulario deben anotarse tódolos usuarios (sen incluir os de proxecto) e operadores do espectrómetro. Un operador só pode ser alguén que superou a proba de capacitación impartida como curso na nosa unidade. Un usuario só pode ser unha persoa que pertenza o propio Grupo de Investigación e non esté rexistrado como membro doutro Grupo de Investigación no noso "Sistema de Reservas", ou sexa, non poden existir usuarios ou  operadores duplicados entre o mesmo ou distinto Grupo de Investigación.
3ª Reservas de turno diario (con restriccións): O uso dos equipos "Mercury 300" e "DPX 250" aparecen divididos en tramos de 10 minutos no periodo de tempo comprendido entre as 8 e as 22 horas no caso do Mercury 300. No caso do DPX 250 os tramos son de 8 a 14 horas, logo tramo de mediodía de 2 horas (14 a 16 horas) e logo tramos de 10 min. de 16 a 22 horas. Ambos teñen tramo nocturno de 8 horas de 22 ata as 8 horas. O tempo total reservado polos operadores dun mesmo equipo de investigación non excederá dun tramo do número de membros do Grupo de Investigación.  Pódense facer reservas tanto para o día no que se fai a reserva (no mercury 300 as reservas deberán facerse antes das 18:40), como para o seguiente, tendo en conta a restricción por número de membros mencionada.  Só se poderán cancelar ás reservas nun plazo máximo de 2 horas antes do tramo reservado.
          Importante: No caso de que vostede superase o límite de reservas ten a opción de reservar tramos libres que se encontren a unha marxe de  1 hora respecto a hora actual. 
4ª Reservas de mediodías e noites (sen restriccións): Un operador pode reservar o mediodía ou a noite de calquera día comprendido na semana que vai desde o día de hoxe ata o equivalente ó día de hoxe da semana seguinte, ambos incluidos. Só se poderán cancelar ás reservas nun plazo máximo de 2 horas antes do tramo reservado.
5ª Reservas de festivos (sen restriccións): A reserva de festivos pódese realizar desde calquera día que se encontre a unha distancia non maior de 4 días.